Deur Benescke Janse van Rensburg

 

Vandag gaan ek ’n kort stukkie skryf. Een teksvers. Lees dit. Oordink dit. En vra God om jou deur sy Heilige Gees te wys hoe dit van toepassing in jou lewe is.

 

  • Filippense 4:6-7: “Moet oor niks besorg wees nie, maar maak in alles julle begeertes deur gebed en smeking en met danksegging aan God bekend. En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.”

 

Wat is jou behoefte – ’n groter huis, ’n baba, ’n nuwe werksgeleentheid, gesondheid, ’n lewensmaat, dat ’n geliefde tot redding moet kom? Kom ons stort ons harte voor God uit en dank Hom solank dat Hy besig is om te werk. Sterkte.

 

Vader God, baie dankie dat U almagtig en in beheer van my lewe is. Help my asseblief om nie besorg te raak nie, maar myself te herinner dat U altyd in beheer bly. Ek vra dit in die Naam van Jesus. Amen.