Baie dankie dat jy op my nuusbrief ingeteken het. ‘n Groot dankie ook aan elkeen wat reeds my nuwe boek, God is stééds God aangekoop het. My gebed is dat dit tot groot seën vir jou sal wees.

Ek het vandag drie vinnige brokkies nuus:

1) Kersfees aanbod: Van Maandag af begin ons 12 Dae van Kersfees veldtog waar ons saam met spesiale pryse vir Kersfees ook vir jou ‘n geleentheid gee om ‘n spesiale boodskap aan jou geliefde te stuur saam met ‘n getekende boek. Met die huidige stand van sake in ons land met die inperking, maak ons dit vir jou maklik om jou geliefde te bederf. Skryf jou boodskap in die “Notes”-afdeling as jy aanlyn bestel. Jy kan natuurlik vir jouself ook ‘n boek bestel. 🙂

2) Kwêla (KykNet): Ek het die groot voorreg om hierdie Sondagaand om 18:00 op Kwêla (KykNet) oor my boek, God is stééds God te gesels. Kyk gerus daarvoor uit sou jy belangstel. Hier is solank ‘n voorsmakie van die program: https://www.youtube.com/watch?v=M8Ate-symZw&feature=emb_logo

3) Opkomende Webinaar:  Ek beplan in die nabye toekoms ’n interaktiewe webinaar (van so uur lank) rondom die tema: Hoe en waar begin ek my Bybel lees? As jy belangstel om deel te neem, stuur vir my ’n epos na benescke2@gmail.com. Ek hou jou dan op hoogte sodra ons ’n datum vasgemaak het.

Lekker naweek hou. Ons gesels gou weer met mekaar!

Groete,

Benescke